Ech blanc ch'est unne couleur (il y o un débot lo-edsus, por chertains èch n'est mie unne couleur moais echl'absinche ed couleur, moais por d'eutes in doét el considérer conme unne couleur porche qu'ech blanc il est usè conme d'unne couleur conme ches eutes din'l vie ed tous ches jours, per egzimpe in pinture).

L' blanke couleur cha vut dire souvintefoés el puretè, el perfoaccion, ch’est el couleur d’el leumiére porche que ch’est chole-lo qui donne ech pus ed leumiére, ch’est don unne couleur heutmint positive, souvintefoés erlacionnèe à’ch Paradis crétien doù Diu (qui est leumiére) donne ès leumiére pertout. Ch'est don tipiquemint el couleur d'ech Crisse, d’ech Paradis, ed ches ainges pi ed Diu din'chl' erlidjion crétienne. Ch’est itou unne couleur qu’in ertroéve din’l liturgie pi din’l sinbolique ed ches abillemints ed ches prètes.