Ulugʻ

Buyuklik
Qardosh loyihalar

Buyuklik, ulugʻlik, ulugʻvorlik — odatdagidan kattalik; ulugʻvorlik, tabarruklik.

A

  •  

Allohga osiy boʻlmaslik – ulugʻlikdir. Dunyoni oxiratdan afzal koʻrmaslik – hakimlikdir[1].

  — Yahyo ibn Maoz
  •  

Ayblardan xoli boʻlmoqlikka intilish ulugʻvorlik belgisidir[2].

  — Abul Hasan Siriy
  •  

Azizim, ulugʻlikning sababi aql va odobdir. Kimki sof aql va komil farosatga ega boʻlsa, pastlik darajasidan ulugʻlik martabasiga erishishi mumkin.
Bayt:
Kimda oʻtkir aqlu farosat bordir,
Gʻalaba bayrogʻini tikar osmonga![3]

  — Xoja Samandar Termiziy

I

  •  

Inson ezgulikni va ulugʻlikni orzu qilishi kerak[4].

  — Aleksandr Gumboldt

K

  •  

Kimning qalbi hamma uchun tepayotgan boʻlsa, u odam chinakam buyukdir[5].

  — Romen Rollan

O

  •  

Olam ulugʻ kishilarga boy. Axir har bir qishloq, har bir shahar, har bir oʻlka oʻz buyuk kishisiga ega emasmi?[4].

  — Kristian Bouvi

U

  •  

Ulugʻlikka erishmoq gʻoyatda qiyin, ammo xorlik va zabunlikka tushib qolish juda oson. Odamlarning aybini qidirib yurgan kishi ulugʻlik darajasiga erisholmaydi![6]

  — Arastu

Manbalar

  1. ↑ Tursun 2006, s. 69.
  2. ↑ Tursun 2006, s. 67.
  3. ↑ Xomidiy & Hasaniy 1997, s. 60.
  4. 1 2 Voronsov 1989, s. 34.
  5. ↑ Voronsov 1989, s. 33.
  6. ↑ Xomidiy & Hasaniy 1997, s. 129.

Adabiyotlar

  • Xomidiy, Hamidjon; Hasaniy, Mahmud. Mashriqzamin hikmat boʻstoni. Toshkent: „Sharq“ nashriyotmatbaa konserni, 1997 — 251-bet. ISBN 978-9943-00-130-5. 
  • Tursun, Ahmad. Sharq donishmandlari hikmatlari. Toshkent: „Sharq“ nashriyot-matbaa aksiyadorlik kompaniyasi, 2006 — 208-bet. 
  • Voronsov, Vladimir. Tafakkur gulshani, Sharifa Abdurazzoqova tarjimasi, Toshkent: Gʻafur Gʻulom nomidagi Adabiyot va sanʼat nashriyoti, 1989 — 464-bet. ISBN 5-635-00915-X. 
Turkum:Mavzular