Παλατινή Ανθολογία/VII/665
| ←Βιβλίο 7o, 664 | AP VII 665 μήτε μακρῇ θαρσέων ναυτίλλεο μήτε βαθείῃ νηί Συγγραφέας: Παλατινή Ανθολογία, VII (βιβλίο 7ο Επιτύμβια επιγράμματα) |
Βιβλίο 7o, 666→ |
| μήτε μακρῇ θαρσέων ναυτίλλεο μήτε βαθείῃ νηί, Λεωνίδα του Ταραντίνου, Παλατινή Ανθολογία, βιβλίο 7ο, επίγραμμα 665 (AP VII 665) |
VII 665 Λεωνίδα του Ταραντίνου
- μήτε μακρῇ θαρσέων ναυτίλλεο μήτε βαθείῃ
- νηί: κρατεῖ παντὸς δούρατος εἷς ἄνεμος.
- ὤλεσε καὶ Πρόμαχον πνοιὴ μία, κῦμα δ᾽ ἓν αὔτως
- ἀθρόον ἐς κοίλην ἐστυφέλιξεν ἅλα.
- οὐ μὴν οἱ δαίμων πάντῃ κακός: ἀλλ᾽ ἐνὶ γαίῃ
- πατρίδι καὶ τύμβου καὶ κτερέων ἔλαχεν
- κηδεμόνων ἐν χερσίν, ἐπεὶ τρηχεῖα θάλασσα
- νεκρὸν πεπταμένους θῆκεν ἐπ᾽ αἰγιαλούς.